काठमाडौं, ५ बैशाख। गायिका एलिना चौहान प्रेमी विष्णु सापकोटासँग विवाह बन्धनमा बाँधिएकी छन्। लामो समयदेखि प्रेमसम्वन्धमा रहेका उनले बुधबार प्रेमी सापकोटासँग परम्परागत रुपमा विवाह बन्धनमा बाधिएकी हुन्।
एलिना र विष्णुको विवाह समारोह झापाको बिर्तामोडस्थित बिर्ता पार्टी प्यालेसमा भएको हो। बाग्लुङ निवासी विष्णु विवाहका लागि जन्तीसहित मंगलबार नै झापा पुगेका थिए।
गीतकार समेतरहेका विष्णु केही समयदेखि अस्ट्रेलियामा व्यवसाय गर्दै आएका छन् भने लिना नेपालमै गायनमा सक्रिय रहेकी छन्।
