जसपा केन्द्रिय कार्यकारिणी समितिको बैठक बस्दै

काठमाडौं, १० पुस। जनता समाजवादी पार्टी (जसपा) नेपालले केन्द्रीय कार्यकारिणी समितिको बैठक आजबाट सुरु हुदैँछ। सत्तारुढ गठबन्धनमा रहेको सो दलले माघ ११ गते हुने राष्ट्रिय सभा निर्वाचनका लागि पार्टीको तर्फबाट हुने सक्ने सम्भावित उम्मेदवार चयन गर्ने प्रमुख अजेन्डासहित बैठक बस्न लागेको हो।

सो बैठक केन्द्रिय कार्यालय, बालकुमारी, ललितपुरमा बिहान १० बजे देखी सुरु हुँदैछ।
साथै, आगामी पुस २५ गते बोलाईएको राजनीतिक समितिको बैठक तथा पुस २७ गतेदेखि सुरु हुने केन्द्रीय समितिको बैठकको तयारी, पार्टीका केन्द्रीय समिति सदस्यहरूको जिम्मेवारी बाँडफाँटलगायतका विषयमा आज देखी सुरु हुने बैठकमा छलफल हुनेछ।