अति विपन्न ७५ परीवारलाई समाजिक अभियनता लामाले दिए राहत

सिरहा, २ मंसिर। समाजिक अभियनता तेजेन्द्र लामा (कुमार)ले गोलबजार नगरपालिकाका विभिन्न वडाका ७५ घरपरिवालाई पोषणयुक्त खाद्य सामाग्रीसहितको राहत प्रदान गरेको छ।

गोलबजार नगरपालिका ३ का स्थाई वसोवासी लामाले दशैं, तिहार र छठको अवसर पारेर गरिव अति विपन्न, एकल महिला, वृद्ध, अपाङ्ता भएका परीवार, गर्भवति तथा सुत्केरी महिलालाई राहत प्रदान गरेको हो।

उनीहरुलाई राहत स्वरुप २५ केजी चामल, एक केजी दाल, चना एक कजी, नुहाउने साबुन एक थान, कपडा धुने साबुन २ थान, सोयविन आधा केजी र नुन एक केजीका दरले राहत सामाग्री प्रदान गरेको लामाले जानकारी दिए।

उनले गोलबजार नगरपालिका ३ मा ५२, वडा नम्वर ९ डण्डाटोलमा १२ र वडानम्वर ११ बेतौनामा ११ परीवारलाई राहत प्रदान गरिएको बताए। लामा आफै प्रत्ययक परीवारको घरघरै पुगेर राहत प्रदान गरेका छन्।

विजया दशमी, शुभ दिपावली तथा छठ पर्व मनाउनलाई सहज होस् भन्ने उदेश्य सहित राहत वितरण गरिएको लामाले बताए। उनले चाड पर्वका समयमा सवैलाई मिटो–मसिनो खाने चाहाना हुनु स्वभाविक भएपनि विपन्न परीवारलाई मूस्किल पर्ने भएकाले राहत प्रदान गरिएको बताए।

उनले आउने दिनहरुमा गोलबजारका १३ वटै वडाका लक्षति वर्गलाई राहत प्रदान गर्ने जनाए।

स्ट्रङ्ग रुट्स फाउण्डेशनको आयोजनामा राहत वितरण गरिएको लामाले जनाए।