गोलबजारबाट ब्राउन सुगर सहित एक युवक पक्राउ

सिरहा, ६ असोज। सिरहा प्रहरीले गोलबजारबाट प्रतिवन्धित लागुपदार्थ ब्राउनसुगर सहित एक युवकलाई पक्राउ गरेको छ।

गोलबजार नगरपालिका ६ लक्ष्मी मन्दिरका ३६ वर्षीय राम एकवाल गिरीलाई अवैध लागूऔषध ब्राउनसुगर ५ सय मिलिग्रामसहित शनिबार बिहान पक्राउ गरेको हो।

विशेष सूचनाको आधारमा ईलाका प्रहरी कार्यालय गोलबजारबाट खटिएको प्रहरीले उनको घर तलासी गर्दा उक्त पदार्थ फेला पारी पक्राउ गरेको जनाएको छ। पक्राउ पछि यस सम्वन्धमा थप अनुसन्धान भईरहेको प्रहरीले जनाएको छ।