महोत्तरीमा पोखरीमा डुबेर चार वर्षिय बालकको मृत्यु

बर्दिवास, २९ भदौ। महोत्तरीमा पोखरीमा डुवेर एक बालकको मृत्यु भएको छ।

जलेश्वर नगरपालिका ८ बजराही गाउँको पोखरीमा डुबेर स्थानीय पङ्कज ठाकुरका छोरा चार वर्षीय प्रिंसराज ठाकुरको मृत्यु भएको हो।

आफ्नै घरअगाडि खेल्दै गरेको बालक प्रिंसराज अचानक घरकै सामुन्नेमा रहेको चौधरी पोखरीमा डुवेर मृत्यु भएको जिल्ला प्रहरी कार्यालय महोत्तरीका सूचना अधिकारी डिएसपी दिलीप कुमार गिरीले जानकारी दिए।

घरबाहिर खेल्दै गरेका बालक नदेखिएपछि गाउँ टोलमा चारैतिर खोजतलाश गरेपनि पछि पोखरीमा मृतावस्थामा फेला परेका थिए।