गोलबजारबाट ६७ बोरा मल बरामद

सिरहा, २२ साउन। ईलाका प्रहरी कार्यालय गोलबजारले स्थानीय ममता एग्रोभेटमा विक्रिको लागि राखिएको ६७ बोरा मल (खाद) बरामद गरेको छ।

जिल्ला प्रशासन कार्यालय सिरहाको निर्देशन र स्थानीय किसानले महगो मूल्यमा मल बेचविखन गरेको गुनासो पछि प्रहरीले ५६ बोरा डिएपी र १२ बोरा युरिया मल बरामद भएको हो।

ममता एग्रोभेटको गोदाम खान तलास गर्दा अवैधरुपमा मल ल्याई बेचविखन गरिरहेको फेला परेपछि गोदाम शिल गरेको प्रहरीले जनाए।

प्रहरीका अनुसार एग्रोभेटका संचालक महेन्द्र यादवलाई आवश्यक प्रकृयाकालागि जिल्ला प्रशासन कार्यालय पठाइएको छ।

जिल्लाका एग्रोभेट व्यवसायीहरुले साल्ट ट्रेनिकका कर्मचारी र कृषि सहकारी संस्थाहरुसँगको सेटिङ्गमा सहुलिएत दरको मल लिने गरेका छन्। सेटिङ्गमा खरिद गरेको मल व्यसायीले मनपर्दी मूल्यमा बेच्ने गरेको किसानहरुको कुनासो छ।

अहिले प्रति केजी २० रुपैयाँमा विक्ने युरिया ३५/४० रुपैयाँ सम्म र ५० रुपैयाँ प्रतिकेजी पाइने डीएपी ६० रुपैयाँभन्दा बढीमूल्यमा एग्रोभेट व्यसायीहरुले बेच्ने गरेको किसानहरु बताउँछन्।

जिल्लाका प्रत्यक पालिकाले तोकेको कृषि सहकारी संस्थाहरु मर्फत किसानलाई मल बेच्ने जिम्मा दिएको भएपनि उनीहरुले सेटिङ्गमा व्यापारीलाई मल बेच्ने गरेको छ।

एग्रोभेटका संचालन महेन्द्र यादवले सहकारी र ब्लेकियाहरुसँग मल खरिद गरेको स्वीकारेका छन्।

किसानले सहज रुपमा नपाउने मलमा व्यसायीको भने रजगज चल्दै आएको छ।