गर्मी बढेपछि मधेशका विद्यालयह एक सातालाई बन्द

सिरहा, २१ जेठ। सिरहा सहित मधेश प्रदेशमा पछिल्लो केही दिनदेखि चर्को घामसँगै तातो हावा चलेल्नेक्रम बढेकाले बालबालिकाको स्वास्थ्यमा प्रतिकूल असर पर्नसक्ने भन्दै मधेशका विद्यालयहरु आउँदो शुक्रवार सम्मको लालगि बन्द गरीएको छ।

विहानै देखि लाग्ने चर्को घाम र तातो हावाका कारण मानवस्वास्थ्यमा प्रतिकुल असरपर्ने भन्दै पालिकाले सूचना जारी गर्दै जेठ २६ जेठसम्म एक साताको लागि सवै विद्यालयहरु विदा दिएको हो।

सिरहाको मिर्चैया, गोलबजार, लहान लगाएतका पालिकाहरुले विद्याल बन्द गर्ने सूचना जारी गरेको छ।

त्यसैगरी, धनुषाको जनकपुरधाम उपमहानगरपालिका, कमला नगरपालिकाका सवै विद्यालयहरु २६ गतेसम्को लागि बन्द रहने सूचना जारी गरेको छ।

सप्तरी, महोत्तरी, सर्लाही, रौतहट बारा र पर्साका पालिकाहरुले पनि अत्यधिक गर्मिका कारण बालबालिकाको स्वास्थ्यमा समस्या देखिन थालेपछि विद्यालय बन्द गर्ने सूचना जारी गरेको छ।

पलिकाहरुले बर्खे बिदाबाट कट्टा हुने गरी नगर क्षेत्रका बाल विकासदेखि १२ कक्षासम्म पढाइ हुँदै आएका सामुदायिक, धार्मिक तथा संस्थागत विद्यालय बन्द उल्लेख गरेको छ।

गर्मीको कारणल विद्यालयमा बालबालिका बेहोस हुने, ज्वरो आउने क्रम बढेपछि केही दिनका लागि नगरपालिकाले विद्यालय बन्द गर्न लागेको हो। पछिल्लो केही दिनदेखि बढ्दै गएको गर्मीको कारणले जनजीवन कष्टकर बन्दै गएको छ। बिहान सबेरैदेखि सुरु हुने गर्मी मध्याह्नसम्म ४० डिग्री सेल्सियसभन्दा माथि हुँदा दैनिक जनजीवन समेत प्रभावित हुने गरेको छ।