सिरहा, ९ जेठ। सिरहा प्रहरीले १६ थान साखुवाको चिरान सहित चार वटा साइकल बरामद गरेको छ। विशेष सूचनाको आधारमा इलाका प्रहरी कार्यालय गोलजारले गोलबजार नगरपालिका १० धर्मपुरको जङलमा लुकाइ छिपाइ राखेको सातफिटा सखुवाको चिरान १६ थान सहित चारवटा साईकल बरामद गरेको हो।
साइकलमा ल्याइरहेको भन्ने सूचना पाएर गएका प्रहरीलाई देखेर काठ तस्करहरुले काठ लुकाएर भागेको हुनसक्ने इलाका प्रहरी कार्यालय गोलबजारका प्रमुख इन्सपेक्टर डुपेन्द्र प्रसाद बुदाथोकीले जानकारी दिए। उनले भने, ‘हाम्रोमा सूचना आएपछि गएका थियौं, प्रहरी आएको सुईंको पाएपछि तस्करहरुले काठ लुकाएर भागेको हुनसक्छ।’
बरामद काठ आवश्यक कार्वाहीको लागि सव डिभिजन वन कार्यलय चोहर्वालाई बुझाएको छ। यस क्षेत्रबाट बन तथा नम्वरी जमिनको काठ अवैधरुपमा ओसार पोसार हुँदा पनि वन कार्यालयका कर्मचारीभने अनविज्ञ जस्तै देखिन्छ।
वन कर्मचारीकै मिलेमत्तोमा सिरहाका फर्निचर उद्योग तथा सः मिलहरुमा जङ्गलि काठहरु निर्वाधरुपमा आउनेगरेको आरोप लाग्दै आएको छ।
