सिरहा, १३ चैत। सिरहा प्रहरीले आफ्नै भाईको हत्या अभियोगमा एक जनालाई पक्राउ गरेको छ। सुखिपुर नगरपालिका ८ का ३५ वर्षिय श्याम सुन्दर गोसाईको हत्या अभियोगमा उनकै दाई ४२ वर्षिय रामचन्द्रलाई लुकिछिपी रहेको अवस्थामा कन्चनपुर जिल्लाको महेन्द्रनगरस्थित नेपाल भारत सीमा क्षेत्रबाट पक्राउ गरेको हो।
गत मंसिर ८ गते सरहा गोलबजार नगरपालिका ३ जमनटोकीमा रहेको आईसक्रिम फ्याक्ट्री अगाडी सोही फ्याक्ट्रीमा कामगर्ने उनीहरुविच आपसका झगडा भएको जिल्ला प्रहरी कार्यालय सिरहाले जनाएको छ। सोही झगडामा दाई रामचन्द्रले भाईलाई टाउको सहित सरिरको विभिन्न भागमा चोटपक लागेका थिए। उनको उपचारको क्रममा दुईदिनपछि मृत्यु भएको थियो।
भाईको मृत्यु पछि फरार रामचन्द्रलाई प्रहरीले उपलब्ध स्रोत तथा प्रविधिको प्रयोग गरी खोजतलाश गर्दै जाने क्रममा यहि चैत ९ गते कन्चनपुर महेन्द्रनगर स्थित नेपाल भारत सिमा क्षेत्रमा फेलापारेको बताएको छ।
उनलाई कर्तव्य ज्यान मुद्दामा सिरहा जिल्ला अदालतबाट दिन सातको म्याद लिई ईलाका प्रहरी कार्यालय गोलबजारले थप अनुसन्धान गरिरहेको जनाएको छ।
