सिरहा, १३ चैत। रामप्रताप रामप्रसाद तामाङ्ग जनता क्याम्पसले स्ववियु निर्वाचनको सम्वन्धमा कुनै चासो नदेखाएको भन्दै विद्यार्थीहरुले २४ घण्टे अल्टिमेटम दिएको छ। विभिन्न विद्यार्थी संगठनहरुले आज एक प्रेस विज्ञप्ती जारी गर्दै भोली मंगलबार विहान ७ बजेभित्र निर्वाचनको विषयमा निर्णय नलिए आन्दोलनमा जान बाध्ये हुने भन्दै विज्ञप्ती जारी गरेको हो।
अखिल क्रान्तिकारी, समाजवादी विद्यार्थी यूनियन, नेवि संघ र विद्यार्थी जनमत संघले संयुक्त रुपमा विज्ञप्ती जारी गर्दै तत्काल स्ववियू निर्वाचन घोणा नगरे क्याम्पस तालाबन्दि सहितको आन्दोलना उत्रन विद्यार्थी बाध्येय हुने उल्लेख गरिएको छ।
विज्ञप्तीमा भनिएको छ, ‘यो क्याम्पसले स्ववियूको गरिमालाई नै बदनाम गर्ने नियतले चुनावको घोषणा नगरेको प्रति हाम्रो गम्भिर ध्यानाकर्षण भएको छ। पटक पटकको ज्ञापनपत्र र विद्यार्थीको अनुरोधलाई बेवास्ता गरेको छ।’
यसअघि नै क्याम्पस प्रशासनले क्याम्पस सञ्चालक समिति र क्याम्पस प्रमुको पनि समयअवधि सकिएकोले यसको टुङ्गो नलाग्दा सम्म स्ववियु निर्वाचनको प्रकृया स्थगित गरेको सूचना जारी गरेको थियो।
