फाईल फोटो।
बर्दिवास, १ चैत। महोत्तरीको वल्वा स्थित परौल टोलमा आगलागी हुँदा एक जनाको मृत्यु भएको छ । आगलागीमा परी एक जना घाइते भएका छन्। आगलागीमा परी स्थानीय ५० बर्षिय चन्दनदेवी मृत्यु भएको हो। ५२ वर्षीय जयकरण यादव घाईते भएका हुन्।
स्थानीय रामसागर यादवको घरमा लागेको आगोमा परी घाइते भएका दुवै जनालाई स्थानीय र प्रहरीले तत्काल उद्धार गरि प्रादेशिक अस्पताल जनकपुर पुर्याएका थिए।
घाइते मध्य चन्दन देवीको उपचारको क्रममा मृत्यु भएको छ भने जयकरण यादवलाइ थप उपचारको लागी काठमाडौं लगिएको छ।
रामसागर यादवको घरको भान्साबाट एक्कासि लागेको आगलागीबाट उनको झण्डै ८० हजार बराबरको क्षति समेत भएको छ। यादवको भित्र राखेको भाँडाकुँडा र लत्ताकपडा पूर्णरुपमा जलेर नष्ट भएको प्रहरीले जनाएको छ। घटनाबारे थप अनुसन्धान भईरहेको प्रहरीले जनाएको छ।
