सिन्धुली, २८ फागुन। मध्यपहाडी लोकमार्ग अन्तर्गत सिन्धुलीमा भएको बस दुर्घटनामा पाँच जनाको मृत्यु भएको छ भने २४ जना घाईते भएका छन्। फिक्कल गाउँपालिका ४ कुइभीर डाँडामा आज बिहान ओखलढुंगाबाट काठमाडौं जाँदैगरेको बा. २ ख ६५९६ नम्बरको बस दुर्घटन हुँदा उनीहरुको मृत्यु भएको हो।
दुर्घटना घाईतेहरुको खुर्कोटस्थित अस्पतालमा उपचारका लागि पठाइएको जिल्ला प्रहरी कार्यालय सिन्धुलीका प्रमुख प्रहरी उपरीक्षक राजकुमार सिलवालले जानकारी दिए। घटनाको विस्तृत विवरण आउन बाँकी छ।
