साङ्केतिक फोटो।
सिरहा, १० फागुन। सिरहामा दिनदहाडै मनिट्रन्सफर व्यसायी लुटिएका छन्। मिर्चैयास्थित ग्लोवल आईएमई बैंकबाट नौं लाख रुपैयाँ लिएर कल्याणपुर जाँदै गरेको मनि ट्रान्सफरका कर्मचारीबाट बुधबार अपरान्ह लुटेराले ९ लाख रुपैयाँ लुटेर फरार भएका हुन्।
कल्याणपुर नगरपालिका ११ मा रहेको राजाराम सव मनि ट्रान्सफरको लािग मिर्चैयास्थित ग्लोवल बैंकबाट ९ लाख रुपैयाँ मिर्चैया–कल्याणपुर सडक अन्तर्गत मिर्चैया नगरपालिका ३ वतहा खोलाको पुल नजिकैबाट चार जनाको समूहमा रहेका लुटेराहरुले लुटपाट गरेको इलाका प्रहरी कार्यालाय मिर्चैयाका प्रमुख डीएसपी हरिकृष्ण केसीले जानकारी दिए।
उनले मोटरसाइकलमा रहेका लुटेराहरुले मनि ट्रान्सफरका कर्मचारीहरुलाई हात हतियार देखाएर कुटपीट समेत गरेको प्रहरीले बताए। उनले भने, ‘अहिक एकान्तजस्तो ठाउँ रहेछ, एम्वुस थापेर बसेका लुटेराहरुले उनीहरुलाई हतियार देखाएर कुटपीट पनि गरेको रहेछ।’
उनले रकम लुटिएको भन्ने थाहापाउना साथ सवै नाकाहरुमा खोजतलासको लागि प्रहरी परिचालन गरिएको जनाए। घटनाको बारेमा अनुसन्धान गरिरहेको बताए।
यस अघि पनि सो मनि ट्रन्सफरको रकम यहि क्षेत्रबाट लुटिएको थियो।
