शम्भुनाथ मेयर कपको फाइनलमा सप्तरी र सुनसरी भिड्दै

राजविराज, ४ माघ। तालतलैया फुटबल टिम सुनसरी सप्तरीको शम्भुनाथ नगरपालिका ८ पोखरीयास्थित खेलमैदानमा सञ्चालित चौथो मेयरकप २०७९ फुटबल प्रतियोगिताको फाइनलमा प्रवेश गरेको छ। प्रतियोगिता अन्तर्गत ावज बुधवार भएको दोश्रो सेमिफाइनलमा बिभागीय टिम एपीएफ बर्दिबासलाई ट्राईब्रेकरमा तीनका बिरुद्ध चार गोल अन्तरले उच्छिन्दै शुक्रबार हुने फाइनलमा नमो बुध्द फुटबल टिम मझौ सप्तरीसँगको भेट पक्का गरेको हो।

अत्यन्तै प्रतिष्पर्धात्मक खेलमा निर्धारित समयमा दुबै टिमले दुई दुई गोलको बराबरी खेलपछि ट्राईब्रेकरबाट खेलको निर्णय लिएको थियो । ट्राईब्रेकरमा तालतलैयाका गोलरक्षकले एपीएफको दुई वटा प्रहारलाई जोगाएको थियो। प्रतियोगिताको फाइनल खेल शुक्रबार हुने भएकाले भोली बिहीवार शम्भुनाथ नगरपालिकाका कर्मचारी र जनप्रतिनिधि बीच मैत्रीपुर्ण फुटबल हुने आयोजक संयासी युवा क्लव पोखरियाका सचिव श्रवण कुमार चौधरीले जानकारी दिए।

शम्भुनाथ नगरपालिकाको सहयोगमा संयासी युवा क्लब पोखरीयाद्वारा सञ्चालित प्रतियोगितामा सप्तरी, सिरहा, महोत्तरी, उदयपुरका बिभिन्न १२ क्लबको सहभागिता रहेको थियो। प्रतियोगिता माघ ६ गतेसम्म चल्ने प्रतियोगिताका बिजेताले ५५ हजार तथा ट्रफि र उपविजेताले ४५ हजार नगद रुपैयाँ प्राप्त गर्नेछ।