बाराबाट चरेश चरेश सहित भारतीय युवक नियन्त्रणमा

वीरगञ्ज, १९ पुस। बारामा सशस्त्र प्रहरीले करिव दुई केजी चरेश सहित एक भारतीय युवालाई पक्राउ गरेको छ। जिल्लाको सुवर्ण गाउँपालिका ३ संतगन्ज सीमा ईलाकाबाट सशस्त्र प्रहरीले करीव दुई केजी चरेश बोकी भारततर्फ जाँदै गरेका भारतको मोतिहारी जिल्ला बेलागाउँ ग्रामपञ्चायत घर बताउने ३० वर्षीय राज कुमारलाई जनालाई नियन्त्रणमा लिएको हो।

सशस्त्र प्रहरी बल नेपाल नम्बर २ छिन्नमस्ता बाहिनी मुख्यालय महोत्तरीबाट प्राप्त सूचनाको आधारमा उक्त गणले बीआर ०५ एभी ३०४२ नम्बरको मोटरसाइकलमा सवार उनको साथबाट चारवटा प्याकेटमा राखिएको चरेश लगायत केही भारतीय तथा नेपाली रुपैयाँ, भारतीय आधार कार्ड, बिलबुक र लाइसेन्ससमेत बरामत गरेको सशस्त्र प्रहरीका सहायक प्रवक्ता डीएसपी शैलेन्द्र थापाले बताए।

बरामद चरेश तथा अन्य सामाग्रीसहित उनलाई आवश्यक कारबाहीको लागि जिल्ला प्रहरी कार्यालय बारामा बुझाइएको छ।