फाईल फोटो।
सिरहा, ५ पुस। सिरहा प्रहरीले अवैध लागुऔषध गाँजा सहित दुईजनालाई नियन्त्रणमा लिएका छन्। प्रहरी चौकी मुक्सारबाट खटिएको प्रहरीले गोलबजार नगरपालिका १ गोलामुक्सारबाट ८ किलो ८ सय ग्राम गाँजासहित स्थानीय ३९ वर्षिय सुदिप राई र धनुषा गणेशमान चारनाथ नपा घर बताउने १८ वर्षिय किशोरलाई आज मंगलबार विहान नियन्त्रणमा लिएका हुन्।
प्रहरीले चेकजाँचको क्रममा स.१ ह २०२८ नम्बरको अटो रिक्साको पछाडि भागमा लुकाई राखेको अवस्थामा फेला पारेको इलाका प्रहरी कार्यालय गोलबजारका प्रमुख इन्सपेक्टर राजु केसीले जानकारी दिए। किशोर भने अटो चालक रहेको प्रहरीको भनाई छ।
यस सम्बन्धमा प्रहरीले थप अनुसन्धान गरिरहेको छ।
