सिरहा, २९ मंसिर। सिरहा प्रहरीले कटुवा पेस्तोलसहित एक युवकलाई नियन्त्रणमा लिएको छ। जिल्लाको विष्णुपुर गाउँ पालिका ३ राजपुरका २२ वर्षिय विन्दे भन्ने सावनकुमार दासलाई कटुवा पेस्तोल र त्यसमा लाग्ने एक थान गोलीसहित बुधबार राती नियन्त्रणमा लिएको हो।
ईलाका प्रहरी कार्यालय बिष्णुपुर खटिएको गस्ती टोलिले शंका लागी चेकजाँच गर्ने क्रममा उनको साथबाट गोलि लोडभएको पेस्तोलसहित पक्राउ गरिएको जिल्ला प्रहरी कार्यालय सिरहाका सूचना अधिकारी सुवास बुढाथोकीले जानकारी दिए।
पक्राउ परेका दासलाई आज विहिवार सिरहा जिल्ला अदालतबाट हातहतियार तथा खरखजाना मुद्दामा पाँच दिनको म्याद लिई जिल्ला थप अनुसन्धान कार्य भईरहेको जनाएको छ।
