जनकपुर, २६ मंसिर। धनुषामा सुतिरहेको अवस्थामा एक महिलाको धारीलो हतियार प्रहारगरी विभत्स हत्या भएको छ। धनुषाको बटेश्वर गाउँपालिका ५ शान्तिपुरका विरेन्द्र यादवकी श्रीमती २७ वर्षीया रितादेवी यादवको आईतबार राती धारीलो हतियार प्रहारगरी हत्या भएको हो।
धारिलो हतियार प्रहारबाट गम्भीर घाइते रितालाई उपचारका लागि जनकपुरको काव्या हस्पिटल पुर्याएपनि उनको उपचारको क्रममा मृत्यु भएको इलाका प्रहरी कार्यालय सखुवा महेन्द्रनगरका प्रहरी निरीक्षक बेचन यादवले जानकारी दिए।
रितादेवीको हत्याको समयमा उनका श्रीमान् विरेन्द्र अर्को घरमा सुतेको बताईएको छ। प्रहरीले हत्या आशंकामा उनकै श्रीमानलाई नियन्त्रणमा लिएर अनुसन्धान थालेको बताएको छ। घटनाबारे प्रहरीले थप अनुसन्धान गरिरहेको जनाएको छ।
नेपालीबाट युनिकोड / युनिकोडबाट नेपाली
Copyright © 2020 / 2024 - Gamakpost.com All rights reserved