बर्दिवास, २५ मंसिर। महोत्तरीमा गाडीको ठक्करबाट एक जना जेष्ठनागरिकको मृत्यु भएको छ। सिन्धुलीबाट बर्दिवासतर्फ आउँदै गरेको स. १ च १५४५ नम्बरको गाडीले बाटो काट्ने समयमा ठक्करदिंदा बर्दिवास नगरपालिका ३ कालापानीका ६६ वर्षीय वीरबहादुर आले मगर मृत्यु भएको हो।
गाडीको ठक्करबाट गम्भीर घाइते मगरको उपचारको क्रममा बर्दिवासस्थित जनसेवा अस्पतालमा मृत्यु भएको इलाका प्रहरी कार्यालय बर्दिवासले जनाएको छ। घटनाका सम्वन्धमा आवश्यक अनुसन्धान भईरहेको छ।
