कर्जन्हा नगरपालिकाले पाठेघर र हाइड्रोशिलका विरामीको निःशुल्क उपचार गर्ने

सिरहा, २१ मंंसिर। कर्जन्हा नगरपालिका र फुलकुमारी महतो मेमोरियल अस्पतालले पालिकाका सम्पूर्ण पाठेघर र हाईड्रोशिलका विरामीको निःशुल्क उपचार गर्ने भएको छ। पालिका र अस्पतालको साझेदारीमा पालिकाका सम्पूर्ण पाठेघर खसेका महिला र हाइड्रोशिल भएका पुरुषहरूको निःसुल्क शल्यक्रिया सतिहतको उपचार उपलब्ध गराउने भएको हो।

कर्जन्हा नगरपालिका अस्पतालबिच पाठेघर खसेका महिला र हाइड्रोशिल भएका पुरुषहरूको शल्यक्रियाकोलागि क्रमशः अधिकतम २६ र ७ हजार दिने सहमति भएको पालिकाका प्रमुख प्रशासकिय अधिकृत बुद्धिमान दनुवारले जानकारी दिए।

विरामीहरुले निसुल्क शल्यक्रिया सेवा, बेड चार्ज, बेहोसी चार्ज, पाठेघरको मुखको क्यान्सरको जांच, औषधी, बिरामीलाई खानाको सुविधा, लगायत सल्यक्रिया पश्चात् बिरामीको घरसम्म ऐम्बुलेन्स सेवा समेत निःसुल्क प्रदान गर्ने सम्झौतापत्रमा उल्लेख गरिएको छ।

सम्झौता पत्रमा फूलकुमारी महतो मेमोरियल अस्पतालको तर्फबाट अस्पतालका प्रमुख कार्यकारी अधिकृत डा. श्याम कुमार शाह र नगरपालिको तर्फबाट प्रमुख प्रसासकिय अधिकृत दनुवारले हस्ताक्षर गरेका छन्।

पालिकाले आफ्नो सामाजिक सेवाअन्तर्गत यो कार्य गरेको प्रसाशकिय अधिकृत दनुवारले जनाए।