आपसी झगडामा कुटपिटका कारण एक जनाको मृत्यु, घटनामा संलग्न छ जना पक्राउ

जनकपुर, १६ मंसिर। धनुषा, मिथिला बिहारी नगरपालिकामा आपसी विवादमा भएको कुटपीटमा एक जनाको मृत्यु भएको छ। जिल्लाको मिथिला बिहारी ४ रमौलका ५३ वर्षीय प्रभु यादव र ४२ वर्षीय सुरज यादवबीच जग्गा जमिनको विषयमा भएको कुटपिटबाट प्रभु यादवको बिहीबार राति मृत्यु भएको हो।

कुटपिटबाट गम्भीर घाइते भएका यादवको उपचारको क्रममा प्रादेशिक अस्पताल जनकपुरमा उपचारको क्रममा मृत्यु भएको जिल्ला प्रहरी कार्यालय धनुषाले जनाएको छ।

घटनामा संलग्न स्थानीय २७ वर्षीय गणेश कुमार यादव सहित ६ जनालाई धनुषा प्रहरीले पक्राउ गरेको छ। साथै कुटपिटबाट घाइते भएका ३० वर्षीय जगरनाथ यादव सहित ३ जनाको प्रादेशिक अस्पताल जनकपुरमा उपचार भइरहेको छ।

घटनाका बारेमा थप अनुसन्धान भईरहेको प्रहरीले जनाएको छ।