स्रोत नखुलेको ११ लाख रकमसहित दुई युवक प्रहरी नियन्त्रणमा

रौतहट, १५ मंसिर। रौतहट प्रहरीले स्रोत नखुलेको रकम सहित दुईजनालाई नियन्त्रणमा लिएका छन् । जिल्लाको गौर नगरपालिका ५ स्थित बरहवा पुल इलाकाबाट सशस्त्र प्रहरीले ११ लाख ३९ हजार ८ सय नेपाली रुपैयाँसहित गढीमाई नगरपालिका ४ संग्रामपुरका २९ वर्षीय राजु कुमार यादव र सोही नगरपालिका ९ बरियारपुरका ३३ वर्षीय राजेश प्रसाद यादव पक्राउ परेका हुन्।

विशेष सूचनाको आधारमा सशस्त्र प्रहरी बल नेपाल नम्बर ११ गण रौतहटले प्रदेश ३–०२–०१३ प ४९५६ नम्बरको मोटरसाइकलमा भारतबाट नेपालतर्फ आउँदै गरेका उनीहरुको साथमा फेला पारेको उल्लेखित रुपैयाँको श्रोत खुलाउन नसकेपछि नियन्त्रणमा लिएको हो।

उनीहरूलाई बरामद रुपैयाँ तथा मोटरसाइकलसहित आवश्यक कारबाहीको लागि भन्सार कार्यालय गौरमा बुझाइएको सशस्त्र प्रहरीले जनाएको छ।