मोहत्तरी २ मा लोसपा नेता भण्डारी निर्वाचित

बर्दिवास, ९ मंसिर। महोत्तर क्षेत्र नम्वर ३ बाट प्रतिनिधिसभा सदस्यमा लोकतान्त्रिक समाजवादी पार्टी नेपालका उम्मेदवार शरतसिंह भण्डारी निर्वाचित भएका छन्।

भण्डारीले २५ हजार १९० मत ल्याउँदै निर्वाचित भएका हुन्। उनले निकटतम प्रतिद्वन्द्वी तराई–मधेश लोकतान्त्रिक पार्टीका उम्मेदवार विजयकुमार सिंहलाई १४ हजार ७० मतान्तरले पराजित गरे। पराजित सिंहले ११ हजार १२० मत ल्याएका छन्।

भण्डारी २०३८ र २०४३ मा राष्ट्रिय पञ्चायत सदस्य निर्वाचित हुँदै २०५१ मा स्वतन्त्र उम्मेदवार तथा २०५६ मा कांग्रेसबाट प्रतिनिधिसभा सदस्य निर्वाचित भएका थिए।

२०६४ को संविधानसभामा मधेसी जनअधिकार फोरमबाट महोत्तरी ४ बाट निर्वाचित समेत निर्वाचित भएका थिए। २०७४ को प्रतिनिधिसभा सदस्यमा उनी राजपाबाट महोत्तरी २ बाट निर्वाचित भएका थिए।

भण्डारी २०४५ देखि हालसम्म राज्यमन्त्रीसहित १५ पटक मन्त्री भएका छन्।