मधेश प्रदेशका केही मतदान केन्द्रमा छिटफुट घटनाबाहेक प्रतिनिधि तथा प्रदेशसभाको मतदान सकिएको छ।
त्यस्तै रौतहट र महोत्तरीमा ६५ प्रतिशत, धनुषा र सप्तरीमा ६२ प्रतिशत, सिरहा, पर्सा र सर्लाहीमा ६० प्रतिशत मतदान भएको छ।
४ जिल्लामा गोली चल्यो
प्रतिनिधिसभा र प्रदेशसभाको निर्वाचनको दिन मधेश प्रदेशको चारवटा जिल्लामा झडप भएको छ। प्रदेशको ४ जिल्लाको ५ स्थानमा सामान्य झडप भएको प्रहरीले जनाएका छन्।
आइतबार बिहान ७ बजेदेखि ५ बजेसम्म मतदानको लागि समय निर्धारण गरिएकोमा आठमध्ये ४ जिल्लामा सामान्य विवाद र झडप भएको मधेस प्रदेश प्रहरी कार्यालय जनकपुरले जनाएको छ।
मधेश प्रदेश प्रहरी कार्यालय जनकपुरका प्रवक्ता प्रहरी उपरीक्षक सुमन कुमार तिम्सिनाले बारा, रौतहट, सिरहा र धनुषाको पाँच ठाउँमा सामान्य झडप भएको जानकारी दिए।
झडप नियन्त्रणमा लिन प्रहरीले ४ राउण्ड हवाई फायर गरेको उनले जानकारी दिए। प्रहरीले सिरहामा ३ राउण्ड र रौतहटमा १ राउण्ड हवाई फायर गरेको हो।
नेपालखवरबाट।
