सुनसरी, ११ कात्तिक। सुनसरीमा दुइ मोटरसाइकल आपसमा ठोकिँदा तीनजनाको मृत्यु भएको छ। इटहरीबाट विराटनगर जाँदै गरेको प्रदेश १–०२–४१ प ४४११ नम्बरको मोटरसाइकल र विपरीत दिशाबाट आउँदै गरेको को ४ प १४१० नम्बरको मोटरसाइकल आपसमा ठोकिँदा बूढीगंगा गाउँपालिका १ का ३० वर्षीय ओजराज लुइँटेल, धरान १५ का ४० वर्षीय राजन राई र ३२ वर्षीय शम्भू राई रहेको मृत्यु भएको हो।
उनका अनुसार मृत्यु हुनेमा बूढीगंगा गाउँपालिका १ का ३० वर्षीय ओजराज लुइँटेल, धरान १५ का ४० वर्षीय राजन राई र ३२ वर्षीय शम्भू राई रहेका छन्।
तीव्र गतिमा रहेका दुवै मोटरसाइकल दुर्घटनामा परी गम्भीर घाइते भएका तीनै जनालाई उपचारका लागि न्युरो अस्पताल विराटनगर पुर्याउना साथ चिकित्सकले मृत घोषणा गरेको इलाका प्रहरी कार्यालय इटहरीका डीएसपी खगेन्द्र खड्काले जानकारी दिए।
घटनाको थप अनुसन्धानका लागि प्रहरी परिचालन गरिएको डीएसपी खड्काले बताएका छन्।
