सुरेश राय
सिरहा, ९ कात्तिक। सिरहाको मिर्चैयामा दुई मोटरसाइकल आपसमा ठोकिदा एक युवकको मृत्यु भएको छ। एकको अबस्था गम्भिर रहेको छ।
मिर्चैया नगरपालिका नपा ५ सस्था चौक खण्डमा उत्तरबाट दक्षिण तर्फ जादै गरेको स. ८ प ३४०५ नम्बरको मोटरसाइकल र दक्षिणबाट उत्तर तर्फबाट आउदै गरेको प्र.२–०१ ००१ प १६८२ नम्बरको मोटरसाइकल एकआपसमा ठोकिदा स. ८ प ३४०५ नम्बरको मोटरसाइकलमा सवार मिर्चैयानपा ६ का प्रमेश्वर साहको छोराका छोरा १९ सको जितेन्द्र साहको मृत्यु भएको हो।
दुर्घटनामा परीटाउकोमा गम्भिर चोटलागेका उनलाई तत्काल मिर्चैयास्थित मंगलम हस्पिटल पुर्याएपनि डाक्टरले मृत घोषणा गरेको इलाका प्रहरी कार्यालय मिर्चैयाले जनाएको छ।
सोही मोटरसाइकल पछाडी सवार स्थानीय लाल बाबु साहको छोरा करिव १६ वर्षिय सम्राट साहको घाटी र टाउकोमा गम्भिर चोट लागेको छ। उनलाई थप उपचारको लागिा विराटनगर पाठाइएको प्रहरीले जानकारी दिए।
त्यसैगरी, प्र.२–०१ ००१ प १६८२ नम्बरको मोटरसाइकलमा सवार सिरहाकै कल्याणपुर नपा ७ भोक्राहका राज कुमार साहकी श्रीमती ४२ वर्षिया अनिता देवी साह,र् मिर्चेया १ की ४४ वर्षिया ललिता देवी महासेठ सहित तीन जना घाईत भएका छन्। उनीहरुको बस्था सामान्य रहेको छ। तीनैजनाको स्थानीय अस्पतालमा उपचार भईरहेको प्रहरीको भनाई छ। शव पोष्टमार्टमको लागि प्रदेशीक अस्पताल सिरहा लगिएको छ।
