सवैक्षेत्रमा पाँचवर्षमा नगरलाई नमुना बनाउछु : नगर प्रमुख चौधरी

सप्तरी, १५ असोज। सप्तरीको सुरुङ्गा नगरपालिकाका प्रमुख गीता चौधरीले शिक्षा, स्वास्थ्य र समाजका संवेदनशील वर्गको सुरक्षाको सवालमा नगरले आउने पॉच वर्षभित्र नमुना काम गर्ने दावी गरेकी छिन्। दशैं पर्वको अवसरमा आयोजित शुभकामना आदानप्रदान कार्यक्रममा नगरप्रमूख चौधरीले नगरले शिक्षा, स्वास्थ्य र जिविकोपार्जनको क्षेत्रमा नमुना काम गर्ने दावी गरेकी हुन्।

शिक्षाले मात्रै बेरोजगारी हटाउने तर्क गर्दै सवल नेपालले सम्मुनति कार्यक्रम अन्तर्गत शिक्षा, स्वास्थ्य र जिविकोपार्जनको क्षेत्रमा काम गर्दैआएको नगरप्रमुख चौधरीले जानकारी दिए। नगरभित्रका असहाय, ज्येष्ठनागरिकहरुका निम्ति विशेष कार्यक्रम बनाउने उनले बताए।

वडामा ढलानभन्दा कालोपत्रे सडक तथा उपभोक्ता भन्दा टेण्डरमार्फत काम गराएर दीर्घकालिन र गुणस्तरीय काम गर्न गराउन सुरुङ्गा नगरपालिका वडा नम्बर ८ का विमलप्रसाद चौधरीले सुझाए। धाँती प्रहरी चौकीका इन्चार्ज असई राजकिशोर पटेलले चाडपर्वको वखत हुन सक्ने अवान्छित गतिविधिवारे प्रहरी समक्ष जानकारी दिन आग्रह गरे।

जनकपुर चुरोट कारखानाका अवकाश प्राप्त प्रमुख नागेन्द्रप्रसाद चौधरीले विजया दशमीको मर्म नै दुराभावमाथि सत्य, न्याय र सुन्दर भावको जीत भएको बताए । समाजमा एकले अर्कोलाई दोषभन्दा आफ्नो ठाउँको जिम्मेवारी स्वयम निर्वाह गर्न सक्नुपर्छ उनले भने।

दशै, दिपावली र छठको अवसरमा आयोजित कार्यक्रममा सुरुङ्गा नगरका प्रवक्ता शिवमणी पासवान, शिक्षिका सुनिता साह, पूर्व कर्मचारीहरु चन्द्रनारायण चौधरी, डम्बरनारायण साह, सावित्री देवी, पवनी चौधरी लगायतले शुभकामना मन्तव्य राखे।