मुसहर बस्ती निर्माणका लागि सम्झौता 

मणिलाल विश्वकर्मा

लहान, ६ असोज। सिराहाको लहान नगरपालिका– १५ मेनहर्वा गाउँका ३८ मुसहर परिवारका लागि घर निर्माण हुने भएको छ। नगरपालिका, ह्याविट्याट फर हुम्यानिटी र भवानी एकीकृत विकास केन्द्रको त्रिपक्षीय साझेदारीमा स्थानीय विपन्न मुसहरहरूको घर निर्माण गर्न लागिएको हो।

घर निर्माणका लागि नगरको तर्फबाट मेयर महेशप्रसाद चौधरीले बुधबार त्रिपक्षीय सम्झौतामा हस्ताक्षर गरे। नगरले चालू आर्थिक वर्ष ०७९-८० मा नगर क्षेत्रका गरिब, विपन्न, असहायको घर निर्माणका लागि एक करोड रुपैयाँ विनियोजन गरेको छ। ‘साझेदारीअन्तर्गत नपुग रकम सोही बजेटबाट थप गरिनेछ,’ मेयर चौधरीले भने।

‘प्रतिपरिवारलाई सात धुर जग्गामा स्टिमेटअनुसारको घर निर्माण गर्छौं,’ उनले भने, ‘घरको नक्सा नगरपालिका, केन्द्र र ह्याविट्याटसम्बद्ध प्राविधिकले बनाउनेछन्।’

नयाँपत्रिकाबाट।