मकवानपुरको भीमफेदीमा बस दुर्घटना हुँदा ६ जनाको मृत्यु

बाबुराम पुडासैनी
हेडौडा, ६ असोज। मकवानपुरको भीमफेदीमा बस दुर्घटना हुँदा ६ जनाको मृत्यु भएको छ। भीमफेदी गाउँपालिकाको जुरीखेतमा बस दुर्घटना हुँदा ६ जनाको घटनास्थलमै मृत्यु भएको प्रहरीले जनाएको छ। 

काठमाडौंबाट फाखेल-कुलेखानी-भीमफेदी सडकखण्ड हुँदै हेटौँडातर्फ आउँदै गरेको बा.३ ख ७८५८ नम्बरको बस भीमफेदी-६ जुरिखेतको एघार घुम्तीको ओरालोमा दुर्घटना भएको भएको हो। 

जिल्ला प्रहरी कार्यालय मकवानपुरका प्रहरी उपरीक्षक बामदेव गौतमको टोली घटनास्थलमा पुगेको छ। हालसम्म मृतकको पहिचान हुन नसकेको उनले बताए। 

दुर्घटनामा परी दर्जनौँ घाइते भएका छन्। प्रहरीको टोलीले घाइतेहरूको उद्धार गरिरहेको छ। 

अन्नपूर्णपोष्टबाट।