सिरहा, २ असोज। सिरहामा खाल्डोमा डुवेको अवस्था एक युवकको शव फेला परेको छ। सिरहा नपा १९ सन्हैठामा नहर बनाउन खनेको खाल्डोमा डुवेको अवस्थामा सिरहा २० लगढीगदियानीका ३५ वर्षिय कारी सदायको शव फेला पारेको हो।
घरबाट शनिवार विहानै कामको खोजीमा सन्हैठाका एक युवकसँग निस्केका सदायको शव आज विहान खाल्डोको पानीमा तैरिरहेको अवस्थामा फेला परेको जिल्ला प्रहरी कार्यालय सिरहाले जनाएको छ।
घरबाट शनिवार विहानै निस्केका सदाय राती अवेरसम्म नफर्केपछि परिवारले खोजतलास गरेको भएपनि आज विहानमात्र खेत घुम्न गएका स्थानीयले खाल्डोमा देखेर प्रहरीलाई अवर गरेको जिल्ला प्रहरी कार्यालय सिरहाका सूचना अधिकृत सुवास बुढाथोकीले जानकारी दिए।
शव पोष्टमार्टमको लागि प्रदेशिक अस्पताल सिरहामा राखिएको छ। घटनाबारे अनुसन्धान भईरहेको प्रहरीले जनाएको छ।
