गोलबजार, २९ भाद्र। सृजना सेकेन्ड्री इङ्गलिस बोर्डिङ्ग स्कूल गोलबजार नपा ६ ले ५८ औँ राष्ट्रिय बाल दिवस विभिन्न कार्यक्रम गरी मनाएको छ। बल दिवसको अवसर पारेर विद्यालयले विद्यालयकै विद्यार्थीहरुविच नृत्य र वक्तित्वकला प्रतियोगिता सम्पन्न गरेको हो।
नृत्य प्रतियोगितामा कक्षा ९ का भूमि लामा प्रथम र कृष्णा ब्लोन दोस्रो भएकी छिन्। कक्षा ८ मा अध्ययनरत मालिका मगर तेस्रो भएकी छिन्।
वक्तित्वकलाको जुनियर ग्रुपमा कक्षा ४ ‘बी’ का अमल लामा प्रथम, सुमन रुवाले मगर दोस्रो र कक्षा ४ ‘ए’ का जितेन्द्र पूर्वे तेस्रो भएका छन्।
वक्तित्वकला प्रतियोगिताको सिनियर ग्रुपमा भने कक्षा ९ ‘ए’ का नितेश सिंह प्रथम भएका छन्। कक्षा १० ‘ए’ की रानी गुप्ता दोस्रो र कक्षा १० ‘बी’ का डेनिश यादव तेस्रो भएका छन्।
प्रतियोगितामा उत्कृष्ट प्रतियोगिहरुलाई विद्यालयका संस्थापक निरज पाख्रिनले पुरस्कार प्रदान गरेका थिए।
