सर्लाहीबाट १२ जुवाडे पक्राउ, पौने तीनलाख नगद बरामद

सर्लाही, २१ भाद्र। सर्लाही प्रहरीले हरिवनबाट जुवाखेलीरहेकै अवस्थामा १२ जना जुवाडेलाई पक्राउ गरको छ। उनीहरुको साथमा रहेको करिव पौने तीन लाख नगरद समेत बरामद गरेको छ।

विशेष सूचनाका आधारमा पुगेका प्रहरीले हरिवन नगरपालिका २ चिसापानीमा छाप्रोमा जुवा खेलिरहेका बेला सोमबार दिउँसो एकै ठाउँबाट १२ जना पक्राउ परेका हुन्।

उनीहरूको साथबाट २ लाख ७१ हजार ६ सय नेपाली र २७१ भारतीय रुपैयाँ नगद बरामद गरिएको जिल्ला प्रहरी कार्यालय सर्लाहीका सूचना अधिकारी डीएसपी विजय यादवले जानकारी दिए।

उनीहरूले जुवातास खेलेको ठाउँबाट प्रहरीले ८ थान मोबाइल, इन्भटर, हुक्का, तास, कौडा, सहित सामान बरामद गरेको प्रहरीले जानकारी दिए।

पक्राउ परेकाहरुलाई प्रहरी हिरासतमा राखेर आवश्यक कारबाहीको प्रक्रियाअघि बढाइएको डीएसपी यादवले जानाए।