विराटनगर, १९ भाद्र। मोरङ जिल्लाका नेकपा एमालेका पुराना नेता बलभद्र सरदार थारु दर्जनौं नेता कार्यकर्ता सहित नेकपा (माओवादी केन्द्र) प्रवेश गर्नुभएका छन्। उनको नेतृत्वमा अमिरलाल भगत, अनिल गक्ष्यदा।, किणर कुमार सरदार लगायत दर्जनौं नेता कार्यकर्ता माओवादी केन्द्र प्रवेश गरेका हुन्।
नवप्रवेशीहरुलाई नेकपा (माओवादी केन्द्र) का अध्यक्ष प्रचण्डले खादा–माला लगाएर स्वागत गरेका छन्। अध्यक्ष प्रचण्ड निवासमा पार्टी प्रवेश गराउँदै उनले समाजवादी क्रान्तिको बाटोमा हातेमालो गर्न तयार भएकामा नेता बलभद्र लगायत सबैलाई बधाई समेत दिए।
माओवादी केन्द्र प्रवेश गरेका बलभद्र एमाले जिल्ला सचिवालय सदस्य थिए। उनी २ पटक गाविस अध्यक्ष निर्वाचित भएका नेता हुन । उनी गत स्थानीय निर्वाचनमा गाउँपालिका अध्यक्षमा मोरङको बुढीगंगा गाउँपालिकामा झिनो मतले पराजित भएका थिए।
एमाले मोरङ जिल्ला क्षेत्र नं. ६ को संयोजकको जिम्मेवारीमा समेत रहेका उनि जिल्लामा निकै लोकप्रिय नेताको रुपमा चिनिन्छन्।
