सिरहा, १७ साउन। सिरहा प्रहरीले बालीकालाई जवरजस्ती करणी गरेको आरोपमा एक युवकलाई पक्राउ गरेको छ। जिल्लाको गोलबजार नगरपालिका १० धर्मपुरका ३८ वर्षिय राजकुमार विश्वकर्मालाई बालीका जवरजस्ती करणी गरेको आरोपमा इलाका प्रहरी कार्यालय गोलबजारले पक्राउ गरेको हो।
घरमा एक्लै टोलाउने, झोक्राएर बस्ने गरेका बालिकालाई अभिभावकले सोधखाजगर्दा आफूमाथि जवरजस्ती करणी भएको बताएपछि प्रहरीमा खवर गरेको इलाका प्रहरी कार्यालय गोलबजारका प्रमुख इन्सपेक्टर राजु केसीले जानकारी दिए।
प्रहरीले विश्वकर्मालाई तत्काल पक्राउ गरी जवरजस्ती करणी मुद्दामा जिल्ला अदालत सिरहाबाट ५ दिनको म्याद थपगरी थप अनुसन्धान गरिरहेको प्रहरीले जनाएको छ।
