महोत्तरीमा छुरा प्रहार गरी मनिट्रान्सफर व्यसायीलाई लुटे

बर्दिवास, १४ साउन। महोत्तरीमा अज्ञात समूले छुरा प्रहार गरी एक जना युवा व्यापारीको पाँच लाख रुपैयाँ लुटिएको छ।
गौशाला–सम्सी सडक खण्डबाट रामगोपालपुर नगरपालिका ७ सहसौला बस्ने ३५ वर्षीय अरुणकुमार चौधरीमाथि नचिनेको समूहले छुरा प्रहार गरी उनको साथमा रहेको पाँच लाख रुपैयाँ लुटेको हो।

आफ्नै गाउँमा बैष्णवी मनी ट्रान्सफर सञ्चालन गर्दै आएका चौधरी गौशालाबाट पैसा बोकी प्रदेश–२–०२–००४ प ३३४७ नम्वरको मोटरसाइकलमा घर जाँदै गर्दा मोटरसाइकलमा आएका तीन जनाको समूहले पैसा लुटेको बताइको चौधरीलाई उद्धरित गर्दै प्रहरीले जनाएको छ। चौधरी सवार मोटरसाइकल रोकी उनको तिघ्रामा छुराले हानेर घाइते बनाइ पैसा लुटेर भागेको बताइएको छ।

छुरा प्रहारबाट घाइते चौधरीको गौशालामा उपचार भइरहेको छ भने लुटेराहरूको खोजतलास भइरहेको प्रहरीले जनाएको छ।