सिरहा, ८ साउन। पूर्वपश्चिम राजमार्ग अन्तर्गत सिरहाको कर्जन्हा ३ मा जिपको ठक्करबाट एक बालिकाको मृत्यु भएको छ। पश्चिमबाट पुर्व तर्फ जादैँ गरेको प्र.२–०१–००१ च ०३२७ नम्वरकोे पिकअपले बाटो क्रस गर्ने क्रममा नाम थर नखुलेको बालिका करिव १३ वर्षिय बालिकाको मृत्यु भएको हो।
स्कारपीओको ठक्करबाट घाइते भई तत्काल उपचारको लागी फुलकुमारी मेमोरियल अस्पताल कर्जन्हा उपचारको क्रममा मृत्यु भएको इलाका प्रहरी कार्यालय मिर्चैयाका प्रमुख डीएसपी हरि बहादुर वलीले जानकारी दिए।
लहान घर भएको अपुष्ट खवर आएपनि पुष्टि हुन बाँकी रहेको प्रहरीले जनाए।
शव पोष्टमार्टमको लागि रामकुमार उमाप्रसाद स्मारक अस्पताल लहानमा राखिएको छ। स्कारपीओ र चालक प्रहरी नियन्त्रणमा छ।
