विराटनगर, ४ साउन। भारतीय सुरक्षा निकायले नेपालमा युरेनियम खोजीरहेकै बेला नेपाल प्रहरीले विराटनगरबाट युरेनियम जस्तो देखिने पदार्थ सहित १५ जनालाई नियन्त्रणमा लिएको छ। विराटनगर महानगरपालिका ९ स्थित ठुलदाइको होटल ८ जना र सोही महानगरपालिका ३ दुधफारमबाट ७ जना गरी १५ जनालाई २ केजी ६५.९ ग्राम युरेनियम जस्तो देखिने पदार्थ सहित पक्राउ गरेको हो।
प्रहरीले ठूलदाईको होटबाट १ केजी ८७.३ ग्राम सहित मोरङ धनपालथान गाउँपालिका ७ का ४१ वर्षीय शिव शंकर पासवान, ४३ वर्षीय प्रदिप पुरी, ४४ वर्षीय लक्ष्मण शर्मा, सोही गाउँपालिका ४ का ३७ वर्षीय मुकेश कुमार साह, कटहरी गाउँपालिका २ का ४० वर्षीय दिलिप कुमार शर्मा, विराटनगर महानगरपलिका १२ का ४६ वर्षीय फटिक कुमार कार्की, सोलुखुम्बु माग्पे गाउँपालिका ७ का ३५ वर्षीय गोपाल मगर र खोटाङ हलेसी नगरपालिका–९ का ३२ वर्षीय किरन राई नियन्त्रणमा लिएको जनाएको छ।
प्रहरीले दुधखर्कबाट ९७८.६ ग्राम युरेनियम जस्तो पदार्थ सहित मंगलबार गोरखा गण्डकी गाउँपालिका ८ का ४५ वर्षीय जिवन गुरुङ, महोत्तरी मङ्हा नगरपालिका ६ का ४२ वर्षीय अब्दुल गनी खान, बर्दिबास नगरपालिका १२ का ३० वर्षीय चन्दन कुमार महतो, मोरङ ग्रामथान गाउँपालिका ३ का ५५ वर्षीय रबिन्द्र गच्छेदार, मकवानपुर बागमती गाउँपालिका ५ का ३६ वर्षीय दिपक बहादुर ब्लोन, मोहत्तरी मनराषिशवा नगरपालिका ३ का ४९ वर्षीय उमेश प्रसाद यादव र सिन्धुली कमलामाई नगरपालिका ५ का २८ वर्षीय श्याम घिमिरेलाई प्रहरीले नियन्त्रणमा लिएका छन्।
यस सम्बन्धमा प्रहरीले थप अनुसन्धान गरिरहेको जनाएको छ ।
