बारा, ३२ असार। बाराबाट दुईथान हतियार सहित दुईजनालाई पक्राउ गरेको छ। जिल्लाको कोल्हवी नगरपालिका ३ सखुहवा जडिबुटीबाट एक थान थ्रिनटथ्री जस्तो देखिने घरेलु हतियार, एक थान भरुवा बन्दुक जस्तो देखिने घरेलु हतियार र चार राउण्ड गोली सहित स्थानीय ५० बर्षीय सुवन्स चौधरी र सोही नगरपालिका ५ बस्ने ४२ बर्षीय दिपेन्द्र चौधरीलाई शुक्रवार पक्राउ गरेको हो।
सब डिभिजन बन कार्यालय कोल्हवी र तामागढी बन ब्यवस्थापनबाट खटिएको संयुक्त गस्ती टोलीले उनीहरूलाई उक्त हातहतियार सहित फेला पारी पक्राउ गरेको जिल्ला प्रहरी कार्याले बाराले जनाएको छ। उनीहरुलाई आवश्यक अनुसन्धानको लागि ईलाका प्रहरी कार्यालय कोल्हवीमा बुझाएको छ।
