फाईल फोटो।
सिरहा, २८ असार। प्रहरीले अवैध ग्र्याभेल उत्खनन गरिरहेको अवस्थामा स्काभेटर र टिफर नियन्त्रणमा लिएको छ। प्रहरीले गोलबजार नपा २ टोड्केको वनक्षेत्रबाट ज. १ ज ६८२ नम्वरको स्काभेटर र प्र. –०२–००१–००१–क ०५०८ नम्वरको टिफर नियन्त्रणमा लिएको हो।
वनक्षेत्रमा अवैध उत्खनन गरिहेको भन्ने सूचनाको आधारमा गएका प्रहरीले उत्खनन गरिरहेको ठाउँबाटै नियन्त्रणमा टिफर र स्काभेर नियन्त्रणमा लिएको इलाका प्रहरी कार्यालय गोलबजारका प्रमुख इन्पेक्टर राजु केसीले जानकारी दिए।
स्काभेटर धनीले भने नम्वरी जमिनबाट व्यक्तिगत प्रायोजनको लागि उत्खनन गरेको बताईरहेका प्रहरीको भनाई छ। स्थानीयले स्काभेटर र टिफर नियन्त्रणमा लिएको स्थान वनक्षेत्रको ऐलानी पर्ति जमिन रहेको बताएको छ।
उनले नियन्त्रणमा लिएको स्काभेटर र टिफरलाई आवश्यक कार्वाहीको लागि गोलबजार नगरपालिकालाई पत्र पठाउने बताए।
