जनकपुर, २१ असार। भारतबाट नेपाल भित्र्याउँदै गरेको अस्थामा स्रोत नखुलेको ८३ लाख नगद रुपैयाँ सहित सशस्त्र प्रहरीले धनुषाबाट दुईजनालाई नियन्त्रणमा लिएको छ।
आलुको बोरामा राखेर नेपाल ल्याउँदै गरेको अवस्थामा जिल्लाको जनकन्दिनी गाउँपालिका १ बाट सोही गाउँ पालिका ५ उदहाका ३६ वर्षीय ईश्वर मण्डल र १९ वर्षिय राजेश मण्डललाई स्रोत नखुलेको ८३ लाख ६४ हजार ५ सय नेपाली रुपैयाँसहित बीओपी इनर्वा सशस्त्र प्रहरीले पक्राउ गरेको हो।
उनले ज. ७ प ५००७ नम्बरको मोटरसाइकल पछाडि राखेको आलुको बोरामा सो रकम ल्याईरहेका थिए।
उक्त रकम लुकाएर ल्याउँदै गर्दा चेकजाँचको क्रममा बरामद भएको बीओपी ईन्चार्ज एवम् डीएसपी शम्भु कटुवालले जानकारी दिए।
उनलाई बरामद श्रोत नखुलेको रकमसहित आवश्यक कारवाहीका लागि भन्सार कार्यालय जनकपुरमा बुझाउने जनाएको छ ।
उक्त रकम भारतमा कारोबार भएको नेपाली रकम भएको हुन सक्ने अनुमान गरिएको छ।
