हरिवानबाट कटुवापेस्तोल सहित एक पक्राउ

सर्लाही, २१ असार। सर्लाही प्रहरीले कटुवा पेस्तोल सहित एक जनालाई नियन्त्रणमा लिएको छ । जिल्लाका हरिवन नगरपालिका ११ मा रहेको सुनीता किराना पसलबाट एक थान कटुवा पेस्तोल र त्यसमा लाग्ने एक राउन्ड गोलीसहित सञ्चालक छोटेलाल दासलाई नियन्त्रणमा लिएको हो।

विशेष सुचनाको आधारमा पसलभित्र झोलामा हालेर राखिएको अवस्थामा उक्त पेस्तोल र गोली बरामद गरेको जिल्ला प्रहरी कार्यालय सर्लाहीका सूचना अधिकारी डीएसपी माधव प्रसदा बुढाथोकीले जानकारी दिए।

पसल सञ्चालक दासलाई नियन्त्रणमा लिएर आवश्यक अनुसन्धान गरिरहेको डीएसपी बुढाथोकीले बताए।