हत्या गरेको अभियोगमा महिला पक्राउ

सिन्धुली, २० असार। सिन्धुली प्रहरीले हत्या अभियोगमा एक महिलालाई पक्राउ गरेको छ। कमलामाई नगरपालिका ६ धुरा बस्ने सुमन बिकलाई हत्या गरेको अभियोगमा प्रहरीले घ्याङलेख गाउँपालिका ३ तामाजोर का ३५ वर्षीया मायारानी थिङलाई आइतबार राति प्रहरीले पक्राउ गरेको हो ।

सोही नगरपालिका ६ लोकतान्त्रीकचोक नजिक डाँफे होटल एण्ड लजमा दुई जनाबिच झै–झगडा हुँदा मायारानीले सुमन बिकको घाँटी थिचेर हत्या गरेको भन्ने खबर प्राप्त हुनासाथ जिल्ला प्रहरी कार्यालय सिन्धुलीबाट खटिएको प्रहरीले उनलाई पक्राउ गरेको जनाएको छ।

प्रहरीले घटनाबारे थप अनुसन्धान गरिरहेको जनाएको छ।