रौतहट, १९ असार। रौतहटको नुनथरस्थित बाग्मती नदीमा पौडी खेल्ने क्रममा वेपता भएका दुई युवकको शव फेला परेको छ ।
शनिबार चन्द्रपुर–१ पौराही नुनथरको बाग्मती खोलामा पौडी खेल्ने क्रममा बेपत्ता भएका दुई युवकको शव आइतबार प्रहरीले फेला पारेको हो ।
वेपत्ता भएकाहरुको खोजी कार्यमा नेपाल प्रहरी र सशस्त्र प्रहरी बल हिजोदेखि नै खटिए पनि आइतबार दिउँसो उनीहरुको शव चन्द्रपुर र वृन्दावन नगरपालिकाको सिमाना इलाकामा बलेरीखोर जंगल नजिकै बाग्मती नदी किनारमा फेला परेको सशस्त्र प्रहरी बलले जनाएको छ ।
बीआर ०१ एफ ६६१९ नम्बरको भारतीय गाडी लिएर नुनथर क्षेत्र घुम्न आएका तिनै जना नदीमा रमाइलो गर्दै पौडी खेल्न पसेका थिए । बेपत्ता भएका दुवै भारतीय युवकको शव घटनास्थलबाट १५ किलोमिटर दक्षिणतर्फ फेला परेको सशस्त्र प्रहरी नायब उपरीक्षक योगराज दहालले बताए । अनलाईनखवरबाट।
