काठमाडौं, १४ असार। नेकपा एमालेका पूर्वउपाध्यक्ष वामदेव गौतमले नयाँ राजनीतिक दल घोषणा गरेको छ । काठमाडौं आज एक कार्यक्रमको अयाोजना गरेर गौतमले आफ्नै संयोजकत्वमा नेपाल कम्युनिस्ट पार्टी एकता राष्ट्रिय अभियान नामद दल घोषणा गरेको हो।
दलको संयोजकमा स्वयम् वामदेव गौतम छन्, भने सचिवमा डीबी कार्की रहेको छ।
गौतमको नेकपा एकता राष्ट्रिय अभियान दलमा समाजवादी केन्द्र नेपाल, आधुनिक नेपाल समाजवादी पार्टी, नेकपा राष्ट्रवादी र निर्वाचन आयोगमा दर्ता नभएका आम नेपाली पार्टी र स्वतन्त्र वामपन्थी समूह पनि एकीकरण भएका छन्।
घोषित नयाँ पार्टीमा वामदेव आफैं संयोजक छन् भने, डीबी कार्कीलाई सचिव तोकेका छन्।
सचिवालय सदस्यहरूमा ओम शर्मा चालिसे, डिल्लीराज भट्टराई, दुर्गा भण्डारी, निमकान्त पाण्डे, भगवती विष्ट र युवराज सफल रहेका छन्।
सचिवालयमा अर्का एकजना सदस्य पछि थपिने प्रचार विभाग प्रमुखसमेत रहेका निमकान्त पाण्डेले बताएका छन्।
वामदेवको केन्द्रीय कमिटी ७४ सदस्यीय हुने पाण्डेले बताएका छन्।
गौतमको पार्टीले अन्य पार्टीहरूसँग एकता सम्वादका लागि आफ्नै संयोजकत्वमा समिति बनाएका छन्।
वामदेवले नयाँ पार्टीमा श्रीमती तुलसा थापा र छोरा हरिसदेव गौतमलाई पनि केन्द्रीय सदस्यमा नियुक्त गरेका छन्। तुलसा थापा अहिले पनि नेकपा एमालेको तर्फबाट सांसद हुन्।
