सर्लाही, १० असार। सर्लाही प्रहरीले कबिलासी नगरपालिका ८ अगर्वाका २४ वर्षीय अमरेन्द्र ठाकुरको हत्या गरेको अभियोगमा उनकै भार्इ सहित दुई जनालाई नियन्त्रणमा लिएको छ। प्रहरीले अमरेन्द्रको हत्या अभियोगमा उनकै भाई अमरकान्त ठाकुर र रुपेश कुमारलाई पक्राउ गरेको हो।
अर्गवा चोकबाट सलेमपुर नहरतर्फ जाने सडक नजिक कुलोमा अमरेन्द्र ठाकुरको धारिलो हतियार प्रहार गरी हत्या भएको अवस्थामा मंगलबार शव फेला परेको प्रहरीले जनाएको छ । अनुसन्धानको क्रममा उनीहरूको संलग्नता रहेको खुल्न आएपछि प्रहरीले उनीहरूलाई पक्राउ गरेको हो।
अनुसन्धानको क्रममा सोमबार बेलुकी अमरेन्द्र ठाकुर र अमरकान्त ठाकुरबीच बाद–बिवाद भएको बिषयलाई लिएर अमर कान्त र उनको साथी रुपेशले अमरेन्द्रलाई मार्ने योजना बनाई खुल्न आएको पैहरीको भनाई छ। उनीहरुले मार्ने योजना बनाएर अमरेन्द्रलाई खानपिनको व्यवस्था छ, भनि बोलाएर धारिलो हतियार र ढुंङगाले शरीरको बिभिन्न भागमा प्रहार गरी हत्या पश्चात शव कुलोमा फालेको खुल्न आएको प्रहरीको भनाई छ।
पक्राउ परेका दुवैजनामाथि ज्यान सम्बन्धी कसूर (कर्तव्य ज्यान) मुद्दामा जिल्ला अदालत सर्लाहीबाट ७ दिन म्याद थप गरी आवश्यक अनुसन्धान भइरहेको प्रहरीले जनाएकोछ ।
