सप्तरी, ८ असार। सप्तरीमा मिनी ट्रक सहित ठूलो परिमाणमा प्रतिवन्धित गाँजा बरामद भएको छ। अदुवा लोड रहेको को. १ ख २९२५ नम्वरको ट्रक पूर्व–पश्चिम राजमार्गअन्तर्गत सप्तरीको हनुमाननगर कंकालिनी नगरपालिकाको कोसी ब्यारेज चेक प्वाइन्टमा शंका लागेर जाँच गर्दा १ सहित १ स य ७५ केजी प्रतिवन्धित लागूऔषध गाँजा बरामद गरेको हो।
सशस्त्र प्रहरी निरीक्षक किसमान तामाङको नेतृत्वमा रहेको सशस्त्रको टोली उक्त परिमाणमा गाँजा बरामद गरेको बताएको छ।
ट्रकमा ३ सय ५० केजी अदुवासहित बोरामा प्याकिङ गरिएको गाँजा बरामद भएको प्रहरीको भनाइ छ। ट्रक र चालक नियन्त्रणमा लिएर आवश्यक अनुसन्धान गरिरहेको प्रहरीले जनाएको छ।
