खोप कार्यक्रमको लागि खोप केन्द्र र स्थान निर्धारण गर्ने, लक्षित सङ्ख्या निर्धारण गर्ने, जनशक्ति परिचालन गर्नेलगायत तयारी भइरहेको उनले बताए।
ललितपुर महानगरपालिका बाहेक अन्य पालिकामा एक–एक दिनको समय तोकेर कार्यक्रम अघि बढाइने तयारी छ।
इँटाभट्टामा काम गर्ने र विद्यालयको पहुँचमा नरहेका बालबालिकालाई पनि सम्बन्धित पालिकाबाट खोप दिइने व्यवस्था मिलाइएको छ।
बालबालिकालाई दिइने फाइजर खोपको अनुगमन समेत गरिने उनले बताए। ‘यो खोपको रंग फरक छ, जसका कारण प्रयोग गर्न र चिन्न थाहा हुनेछ,’ उनले थपे, ‘यो खोपको प्याकेट सुन्तला रंगको छ।’
बालबालिकालाई दिने खोपको प्रयोग ९१ प्रतिशत प्रभावकारी मानिएको छ भने अन्य मुलुकमा पनि यसको प्रयोग भइसकेको छ।
यो खोप ५–११ उमेर समुहका बालबालिकाबाहेक अन्य उमेर समुहकालाई भने दिन नमिल्ने डा. विष्टले प्रष्ट पारे।
ललितपुरमा १२ देखि १७ वर्षसम्मका बालबालिकालाई पहिलो र दोस्रो मात्रा खोप लगाइसकिएको छ। उनीहरूलाई छिट्टै बुस्टर डोज खोप लगाउने तयारी गरेको छ।
