काठमाडौं, १ असार। आज मधेश प्रदेश सरकार आगामी आर्थिक वर्ष २०७९/०८० को बजेट ल्याउँदै छ।
चालु आर्थिक वर्षभन्दा बढी बजेट ल्याउने तयारीमा सरकार छ। करिब ४० अर्ब बजेट मधेश सरकारले ल्याउन लागेको हो।
संघीय सरकारबाट आर्थिक वर्षको लागि सशर्त अनुदानको १० अर्ब ६ करोड ५१ लाख, विशेष अनुदान २ अर्ब ५६ करोड, सामान्यकरण अनुदान वापत ७ अर्ब ८१ करोड ५८ लाख, राजस्व बाडफाँट करिब साढे ७ अर्ब र समपुरक बजेट ७८ करोड गरी २८ अर्ब ७२ करोड रकम मधेश प्रदेश सरकारले पाउने छ।
बजेटमा कृषिलाई उच्च प्राथमिकतामा राखेको बुझिएको छ। त्यस्तै शिक्षा स्वास्थ्य, पूर्वाधार, पर्यटन लगतलाई बजेटमा समेटिएको अर्थ मन्त्रालय स्रोतले जनाएको छ।
बजेट ल्याउनु अघि गत जेठ २१ गते प्रदेश सरकारले नीति तथा कार्यक्रम ल्याएको थियो। नीति तथा कार्यक्रम सर्वसहमतिले पारित साइसकेको छ। नेपालखवरबाट।
