सिरहा, १६ जेष्ठ। सिराहाको गोलबजार नगरपालिका १३ का नवनिर्वाचित वडा अध्यक्ष लगायतका जनप्रतिनिधिले आज पदभार ग्रहण गरेका छन्। नवनिर्वाचित जनप्रतिनिधिको स्वागत तथा शुभकामना कार्यक्रम गरि पदभार ग्रहण गरिएको हुन्।
पदभार ग्रहण कार्यक्रमलाई सम्बोधन गर्दै नवनिर्वाचित वडा अध्यक्ष नन्द कुमार महतोले शिक्षा, स्वास्थ्य र कृषिलाई विशेष प्राथमिकतामा राखी योजनाहर बनाउने प्रतिबद्धता गरेको छ। वडावासीले विश्वास गरिे निर्वाचित बनाएकोले वहाहरुको मतको कदर गर्दै जन्ताको चाहना अनुरुप काम गर्ने बताए।
उनले भने ‘आफुले शिक्षालाई विशेष प्राथमिकतामा राखी वडाका छात्राहरुले+२ पास गरि स्नातकतहमा अध्यन गर्ने विद्यार्थीको लागि सम्पुर्ण खर्च वडाले ब्यहोर्ने प्रतिबद्धता जनाए।
यो घोषणालाई वडाले आफ्नो अधिकारक्षेत्र भन्दा बाहिर गएर महत्वकाङ्क्षी योजना घोषणा गरेको जानकारहरु बताउँछन्।
आजै गोलबजार नगरपालिकाका वडा नम्बर ४, ९, १०, १३ गरि ४ वटा वडाका वडा अध्यक्षहरुले पदभार ग्रहण गरेका छन्।
