काठमाडौं, १५ जेष्ठ। सवै सरकारी कर्मचारीको तलव १५ प्रतिशतले बढाएको छ। अर्थमन्त्री जनार्दन शर्माले नयाँ बजेटमा तलब वृद्धि गरेको बताएका हुन्।
चालू आर्थिक वर्षमा पनि सरकारले कर्मचारीको तलब २ हजार रुपैयाँ बढाएको थियो। यसअनुसार मुख्यसचिवको तलब ६७ हजार १४० भत्तासहित ७१ हजार ६१६ रुपैयाँ थियो।
त्यस्तै सचिवको ६२ हजार ६८० भत्तासहित ६६ हजार ८६० रुपैयाँ, सहसचिवको ४९ हजार ३८० भत्तासहित ६० हजार ९०२ रुपैयाँ, उपसचिवको ४२ हजार ३८० भत्तासहित ५३ हजार ६८४ रुपैयाँ, शाखा अधिकृतको तलब ३७ हजार ९९० भत्तासहित ४८ हजार १२६ रुपैयाँ रहेको थियो।
शिक्षकहरुको माध्यमिक तह (प्रथम श्रेणी) तलब ४९ हजार ३८० भत्तासहित ५९ हजार २५६ रुपैयाँ, निम्न माध्यमिक तह (प्रथम श्रेणी)को ३९ हजार ८८० भत्तासहित ५० हजार ५२० रुपैयाँ रहेको थियो।
प्राथमिक तह (प्रथम श्रेणी) ३७ हजार ९९० भत्तासहित ४८ हजार १२६ रहेकामा अब माथिका यी सबै तलबमानमा १५ प्रतिशत वृद्धि हुनेछ।
